سافرت ولا ودعتني××

"]معقوله للحين مافهمت علـيّـه الظاهـر انها تستهبل أو غبـيّـه

و الا أنا الغبـي وهي الذكـيّـه لأنـي مابيّنت لهـا اني أهواهـا



يعني معقوله مافهمت النظـرات معقوله مافهمت ذيك الغمـزات

والا شكلها ماشافت البسمـات والا شكلي راح أتعب معاهــا



ماتذكر الـورد اللـي أهديتهـا مكتوب عليه بالأحمـر فديتهـا

والدب المكتـوب عليه حبيتهـا والهديه والعطــر اللي معاهـا


ماشافت كيف أضيع لو ألقاهـا أخاف وأوقف مكاني من حلاها

كل هذا ومافهمت اني أهواهـا مافهمتني بعد كل اللي جاهـا



مابقى غير اني أقـول اسمعينـي أنا أحبك يكفي حرام عذبتينـي

حسي فيني والا تكفه افهمينـي مابقى غير أروح وألحق وراهـا



آه يالقهر سافرت ولا ودعتنـي آه يالقهر ولا جات و كلمتنـي

آه ياويلي والله انـها عذبتنـي والله أشقاني و أتعبني غلاهــا



شكلها تتغلى أو يمكن تتسلّـى والله ماراح ينـفعهـا التغلّـي

مثل مايقولوا من تغلّـى تخلّـى شكلي بتغلى و بنساها و عساها