السلام عليكم .. هاي .. شحالكم ؟؟
المهم هاي اول قصة لي فالمنتدى ..و اتمنى انها تعجبكم ..
أولا ..
][ تـ ع ـريف بالشـ خ ـصيات ][
عايلة بومحمد :
بومحمد : اسمه سالم .. و هو طيب و حنون و يحب عياله و هو و أخوانه من أكبر تجار الامارات ..و عمره (41سنه )
ام محمد : اسمها مريم و هي طيبة و تحب عيالها و عمرها (40 سنه )
محمد : خريش و ربشه و حبوب و هو أخر سنه فالجامعة و مركب تقويم للعلاج .. و عمره (21 سنه )
أحمد : ربشو و مغازلجي .. و راعي سوالف .. يحب يقحص ويلات فالبر ..عمره (17 سنه ) و هو ثالث ثانوي و ماخذ ليسن بالواسطة طبعا .. و عنده من السيايير بنتلي احمر .. و مركب تقويم دلع و هو كيوووت .. و ربيع كايد >> ولد عمه .. بعدين بتعرفونه .. الروح بالروح ..
ميره : حبوبه و طيوبه و خريشة و راعية سوالف و مواقف .. و الكل يحبها و هي مب طويلة و لا قصيرة يعني طولها اوكيه .. ووزنها يناسب طولها .. يعني مب دبدوبه .. بس جسمها عذااااااااااااب .. و عيونها ووساع و تذبح .. (الله عطاك عيون خدرن و نعاس .. تذبح عشاشيق الهوى ما تبالي ) صدق الشاعر لطام .. و حواجبها ماشالله مرسومة على عينها .. و خشمها سيف ماشالله و رفيع .. و شفايفها وردية و حلوة .. شعرها اشقر (مب الاشقر اللي نعرفه ) اللي هو نفس البني بس راجع عالذهبي .. شرات امها .. و هي بيضة ماشالله عليها (مب شرات الزلمات .. لا يعني بياض حلو راد للسماره ) .. و احلى وحدة فالعايلة .. و مركبة تقويم دلع كل شهر تغيير اللون .. و عمرها (16 سنه ) صف ثاني ثانوي ..
لولوة : الكل يناديها لولو .. و هي شيطونه و شقية و عمرها (14 سنه ) صف ثالث اعدادي .. و كتكوتة و مركبة تقويم دلع ..( العايلة كلها مركبة تقويم .. لووولز )
.................................................. ...........
عايلة بو حمدان :
بوحمدان : اسمه حمد .. و هو عصبي .. لكنه يحب اهله .. و هو اخو بو محمد .. و شراته من اكبر تجار الامارات .. و عمره (40 سنه)
ام حمدان : اسمها حمده .. و هي حنونه و طيبة و تحب عيالها و الكل .. عمرها (39 سنه )
حمدان : مغازلجي لكنه طيب .. و ربشه يموت فالبحر .. و هو كبر احمد .. و ماخذ ليسن بالواسطة (عالعموم كل اللي فسن احمد فالعايلة عندهم ليسن بالواسطة .. يعني ماله داعي اعيد الموال .. لووول ) و عنده من السيايير كورفت احمر و مركب تقويم دلع ..
الريم : حبوبه خريشة .. لكنها خواااااااااااااااااافه .. بمعنى الكلمة .. و تحب هزاع و لد عمها و هو يبادلها الشعور .. و هي كبر ميره .. يعني عمرها (16 سنه) و صف ثاني ثانوي .. و مركبة تقويم للعلاج ..
خالد : هادي و طيب و يحب شمه بنت عمه راشد .. و عمره (15 سنه) و مركب تقويم دلع ..
شهد : عمرها (4 سنوات) شيطووونه و تخرب كل شي .. و هي فكيجي 1 ..
.................................................. ...........
عايلة بو هزاع :
بو هزاع : اسمه راشد .. شوي عصبي .. و هو بعد اخوهم و شراتهم من كبار التجار .. و عمره (39 سنه )
ام هزاع : اسمها شيخة .. و هي بعد عصبية و تحب عيالها و ريلها .. و عمرها (38 سنه )
هزاع : خريش و مغازلجي .. و ربشه و كيوت .. عمره (17سنه )و الباقي تعرفونه .. ماخذ الليسن ...... الخ .. و مركب تقويم علاج .. و عنده من السيايير بورش كريرا احمر ..
نورة : حبوبه و طيبه .. و كيوت .. و عمرها (16 سنه ) ثاني ثانوي .. و فالشلة الفاسدة .. و مركبو تقويم دلع ..
شمه : شيطانه و حبوبه .. و كيوت و سوالف .. و هي كبر لولو .. عمرها (14 سنه) و مركبة تقويم دلع ..
.................................................. ...........
عايلة بو كايد :
بو كايد : اسمه عمر و هو طيب و مبزي عياله بزى مافي مثله .. و هو شرات اخوانه من كبار التجار .. و هو اخر العنقود ..و عمره (37 سنه).
ام كايد : دلوعة بو كايد .. هع هع .. اسمها ميثه .. و هي طيبة و مسولفجيه و تموت فريلها و عيالها .. و عمرها (36 سنه).
كايد : شيطان .. ملعوز الأوادم ..و شعره بني غامج و هو مب ابيض و لا اسمر .. يعني اوكيه لون بشرته .. و هو طويل .. يعني مب واايد طوله ( 173 تقريبا او يمكن اطول بشوي ) و جسمه معضل .. باختصااار .. جسمه طرررر .. و أحمد توأم روحه .. عمره (17 سنه) و عنده من السيايير بوغاتي احمر .. و عليه رقم ثنائي .. دبي اليديد .. و يحب ميره بنت عمه سالم .. و هو احلى واحد فالعايلة من الاولاد .. و مركب تقويم دلع .. و هو معذب خلق الله .. >> اقصد بنت الناس .. هع ..
روضة : حبوبة و شيطونه .. و مسولفجيه .. تحبب تغصص امها .. و ربيعة ميره روح بالروح .. و عمرها (16 سنه ) .. و مركبة تقويم دلع ... و عليها افكار جهنميه ..
مايد : مسولفجي و يحب اهله .. و شيطان .. و يحب لولو بنت عمه سالم ... (العايله كلها تحب عيال سالم .. لووول ) و عمره (15 سنه) و هو ربيع خالد .. و هم صف اول ثانوي .. و مركب تقويم دلع ..
يزوي : عمرها (4 سنوات) فكيجي 1 .. بس شيطاااااااانه بمعني الكلمه .. و كله تاكل حلاوه .. و هي كتكوووته ..
.................................................. ...........
اليده :اسمها موزة .. و ساكنه ففلة ولدها عمر .. (أي فلة قولوا قصر ماشالله) و هي راعية سوالف و حبوبه ..
.................................................. ...........
العيال ( سالم .. حمد .. راشد .. عمر ) ماخذين عيال عمهم ..
(مريم .. حمده .. شيخة .. ميثا ) ..
و هم ساكنين فدبي .. عالبحر .. و كلهم فبيت واحد .. يعني فلل بس فحوش واحد .. بشرح لكم كيف .. اول ماتدخلون الحوش بتكون عاليمين فلتين و عاليسار فلتنين .. عاليمين فلة بو كايد و بو محمد .. و عاليسار فلة بو حمدان و فلة بو هزاع .. و في 3 مسابح .. اثنين كبار و واحد صغير ..
مسبحين برع (واحد من الكبار و الصغير) اما الكبير الثاني داخل حق الحريم ..المسبح الكبير اللي برع فيه مثل العاب يعني جيه العاب مائية .. و انفاق يعني كشخه للكبار طبعا .. اليهال عندهم المسبح الصغير فيه العاب للكبار .. و حول المسبحين حدايق .. و كله ورد .. و البيت ماشالله كله زراعة .. و مسوين ميلس كبييير برع فالحوش .. عالطرف .. حق الرياييل .. و مسوين غرفة عوووده مثل صالة .. حق البنات و الشباب اذا بيسهرون فيها او شيي .. و في عدة حدايق .. حديقة فيها قفص كله فراشات .. و حديقة فيها قفص عصافير .. وفالحدايق في مثل شلالات و ممرات ماي .. و في مثل جسور خشب صغيره .. يمشي تحتها الماي .. مثل وادي صغير .. و فيه سمج ملون صغير .. و كله عشب اخضر .. ما تحصلون مكان في تربة .. يا اخضر .. يا ها ماعرف شو اسمه اللي يحطونه فالحووش .. مب سرميك شي يسمونه .. المهم و في اسطبل خيوول .. و في نافورة كبيره فنص الحوش كنه دوار عسب اللي يبا يروح يمين .. و اللي يبا يروح يسار .. و في يلسات فكل حديقة .. يعني طاولات و كراسي .. و كل فلة 3 طوابق .. و الحوش كبييييييييييييييييييييييييييييييييييييييير بمعنى الكلمة .. بس تعبت ماروم اشرح زياده ..
.................................................. ...........
الشلة الخربانة : روضة + ميره + الريم + نورة ..
الشلة الفاسدة : أحمد + كايد + هزاع + حمدان ..
( أحمد .. كايد .. حمدان .. هزاع .. مايد .. خالد .. روضة .. ميره .. نورة .. الريم .. لولو .. شمه .. يزوي .. شهدوه ) كلهم فمدرسه وحده .. >> خاصة ..
أحمد + كايد + حمدان + هزاع >> كلهم فصف ..
روضة + ميره + نورة + الريم >> كلهم فصف ..
مايد + خالد >> فصف ..
لولو + شمه >> فصف ..
يزوي + شهدوه >> فصف ..
.................................................. ...........
المهــــــــــــم .. الحين بنبدأ ..
.................................................. ...........
..][ البارت الأول ][ ..
لولو و شمه يالسين صوب قفص الفاراشات و يسولفن ..
لولو : تذكرين يوم نقول حق مس لميا >> مال الدين .. بنتحوط فالمدرسة خمس دقايق و بنرجع .. تقول احم : روحوا و ياريت لو ما بترجعوا و اساميكوا بتروح للمديرة و انا ماليش دعوه .. كل مرة بتأولوا كده و ما عم ترجعوا .. خلاص انا تعبت .. >> تقلدها ..
شمه : هههههااااااي .. و هاي حد يقدر ينساها .. كنا دوم نغصص عليها .. عنبوه مول ما خليناها فحالها .. بس حرااام صدق بنوله عليها .. بس حرااام صدق بنوله عليها .. >>اونها بتوله عليها ..
لولو : صدقتي .. (سكتت شوي) .. الا هالصيف وين بنسافر ؟؟
شمه : مادري .. بس انا سمعت باباه يقول ما بنسافر عسب عندهم شغل ..
لولو : لا تقولين .. انشالله بنسافر ..
مايد كان ظاهر من فلتهم بيروح صوب فلة عمه حمد حق خالد .. شاف بنتين فالحديقة .. عرف انهم شمه و لولو لأن الكبار يلبسون شيل ... اماهم لا.. تجرب عسب
يعرف أي وحده لولو و عرفها من صوتها .. سار و حط ايده على عينها .. و جرب من اذنها و همس : احبج ..
و عقب فج ايده و صدوا ورى ..
لولو : مااااااااااااااااااااااااايد ..
مايد : لا .. مايد مب مااااااااااااااااااااايد ..
لولو : سخبف ..
مايد : شراتج حبيبتي ..
شمه : احم .. انا هنا ..
مايد : اوب .. سوري ما انتبهت لج ..
شمه : اكيد ما بتنتبه شايف الحب .. و تطالع لولو ..
مايد : ههه .. فديتها و الله ..
لولو استحت و نزلت راسها ..
شمه : هع هع .. اونها استحت ..
مايد : ههه .. يالله بروح عند خلووود .. شموه بتين وياااي ..
شمه احمرت : لا .. بس سلم عليه ..
مايد : يوصل ..و مشى شوي لكنه ما ابتعد عنهم واايد .. و علا صوته .. : لولو لا تستحين تراج تحلوين زياده .. و تعذبين قلبي زياده .. و سار ..
شمه : هاهههه .
لولو : و الله احبه ..>> يهال اخر زمن يحبون ..
.................................................. ...........
عند الشلة الخربانه .. كانوا فحجرة رويض ..
رويض : اوووف .. ملل . مايخصني لازم اظهر اليوم ..
نواري : هيه لا ..
ميروه : اممم .. منو بيظهرنا .. يدي العور ..
الكل : هههه..
ميرة : الشباب محد ..
ريموه : منو عنده فكرة ..
رويض : me .. انا عنديه فكرة جهنمية ..
الكل : شوووووه ؟؟
نواري : رويض انتي افكارج بتودينا فداهية ..
رويض : لا عادي ..
ميروه : شو الفكرة ؟؟
رواضي : بنظهر فالسيارة ..
ريموه : منو بيودينا .. قاسم محد موزيه ماخذتنه العزبه .. >> ( اليده يسمونها موزيه ) .. و السواقين الثانين قوم بابا ماخذينهم مادري شو عندهم ..
رويض : نحن بنسووق .
ريموه + نوراي : شووووه ؟؟ تخبلتي ..
ميروه : و الله الفكرة حلوه .. يالله بنات ..
ريموه : لا فديتج انا مب بايعه عمري ..
نواري : اوكي وين بنروح ..
رويض : بنروح الجمعية اللي فالفريج ..
نواري : هيه فالفريج عادي ..
ميره : هاريمووه يالله موافقة ..
ريموه : اخاف ..
نواري : يالله ريموه عن السخافة ..
ريموه : امممم .. اوكيه ..
رويض : يالله عيل لبسن عبيكن ..
ميروه : منو بيسوق ؟؟
رويض : احم روضة بنت عمر الـ ....
ريموه + نواري : اللي يعين
رويض : هههه ..
و كل وحده سارت بيتها تتلبس ..
.................................................. ...........
عند الشلة الفاسده .. يحوطون فالامارات موول ..
هزاع : اووف .. كيوود و احمدوه روحوا عنا محد يعطينا فيس ..
كايد : احنا شلنا ..
حمدان : يعني ما تعرفون انهم ما يخذون ارقامنا .. بس ياخذون ارقامكم ..
أحمد : اها .. عشان جيه ما تبونا نتمشى وياكم ..
هزاع : عليك نوور ..
كايد : احمدوه خل يولون .. تعال ويايه ..
أحمد : يالله ..
